Galiciencia abre o prazo para recibir proxectos

Tecnópole abre o prazo de recepción de proxectos para a Galiciencia 2015 ata o próximo 25 de outubro. A maior feira científica de Galicia inicia así o proceso de selección dos 80 proxectos cos que celebrará o seu décimo aniversario. O evento terá lugar entre o 18 e o 20 de novembro nas instalacións do Parque Tecnolóxico de Galicia, no concello ourensán de San Cibrao das Viñas. A súa celebración é posible un ano máis grazas ao apoio da Consellería de Economía e Industria, a través da Axencia Galega de Innovación. As bases están xa dispoñibles en www.galiciencia.com.

Fonte: Tecnópole